ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

ਚਿੱਠੀਨਾਮਾ


ਚਿੱਠੀ ਆਉਂਦੀ
ਨਿੱਘੇ-ਨਿੱਘੇ ਮੋਹ ਦੇ
ਤੰਦ ਪਾਉਂਦੀ
ਆਪ ਦੇ ਮੋਹ-ਭਿੱਜੇ ਦੋ ਸ਼ਬਦ 'ਹਾਇਕੁ-ਲੋਕ' ਨੂੰ ਵੱਡਾ ਹੁਲਾਰਾ ਦੇ ਜਾਂਦੇ ਨੇ ਤੇ ਇਸ ਦੀ ਪੀਂਘ ਅੰਬਰੀਂ ਛੋਹਣ ਲੱਗਦੀ ਹੈ। ਜਾਂਦੇ-ਜਾਂਦੇ ਸ਼ਬਦੀ-ਹੁਲਾਰਾ ਦਿੰਦੇ ਜਾਣਾ।
ਅਦਬ ਸਹਿਤ
ਸੰਪਾਦਕ ਤੇ ਸਲਾਹਕਾਰ ਕਮੇਟੀ 
**************************************************************************


ਮਾਣਯੋਗ ਹਰਦੀਪ ਭੈਣ ਜੀ,

ਸਤਿ ਸ਼੍ਰੀ ਅਕਾਲ!
"ਹਾਇਕੂ-ਲੋਕ" ਤੇ ਝਾਤ ਪਾਈ। ਬਹੁਤ ਹੀ ਵਧੀਆ ਉਪਰਾਲਾ ਹੈ। ਆਪ ਜੀ ਅਤੇ ਹੋਰਨਾਂ ਸਹਿਯੋਗੀਆਂ ਨੂੰ ਬਹੁਤ-ਬਹੁਤ ਵਧਾਈ। ਬਹੁਤ ਥੋੜੇ ਲੋਕ ਹਨ ਜੋ ਇਸ ਕਦਰ ਪੰਜਾਬੀ ਮਾਂ-ਬੋਲੀ ਨੂੰ ਪਿਆਰ ਕਰਦੇ ਹਨ। ਅੱਜ ਨੌਜੁਆਨ ਪੀੜੀ ਇਸ ਤੱਤੜੀ ਵੱਲੋਂ  ਮੂੰਹ ਮੋੜ ਗਈ, ਕਿਉਂਕਿ ਇਸ ਦਾ ਪ੍ਰਚਾਰ ਅਤੇ ਪ੍ਰਸਾਰ ਕੋਈ ਕਾਰਗਰ ਤਰੀਕੇ ਨਾਲ ਨਹੀਂ ਹੋ ਸਕਿਆ। ਜੇ ਕੋਈ ਲੇਖਕ ਬਣ ਗਿਆ ਤਾਂ ਉਸਦੀ ਪ੍ਰਵਿਰਤੀ ਮਹਾਨ ਲੇਖਕ ਬਣਨ ਦੀ ਹੋ ਗਈ ਅਤੇ ਜੇ ਕੋਈ ਮਹਾਨ ਲੇਖਕ ਬਣਿਆ ਤਾਂ ਉਹ ਬਸ "ਮਹਾਨ" ਹੀ ਬਣਿਆ ਰਿਹਾ। ਆਪਣੀਆਂ ਸਮਾਜਿਕ (ਮਾਂ-ਬੋਲੀ ਪ੍ਰਤੀ) ਜਿੰਮੇਵਾਰੀਆਂ ਵੱਲੋਂ ਕਿਨਾਰਾ ਕਰ ਗਿਆ। ਕਿਸੇ ਨਵੇਂ ਲੇਖਕ ਦੀ ਕੋਈ ਰਚਨਾ 'ਤੇ ਟਿੱਪਣੀ ਕਰਨ ਨਾਲ ਉਸ ਦੀ ਸ਼ਾਨ ਵਿਚ ਫਰਕ ਪੈਣ ਲੱਗਿਆ ਰਿਹਾ। ਇਸ ਤੋਂ ਇਲਾਵਾ ਉਸ ਕੋਲ ਸਮਾਂ ਵੀ ਨਹੀਂ ਰਹਿੰਦਾ ਰਿਹਾ ਜੋ ਕਿਸੇ ਦੀ ਉਂਗਲ਼ੀ ਫੜ ਕੇ ਸੇਧ ਦੇ ਸਕੇ। ਸੰਭਵ ਹੋ ਸਕਦਾ ਸੀ, ਜੇ ਉਹ ਕਿਸੇ ਦੀ ਉਂਗਲ ਫੜ ਲੈਂਦਾ, ਕਿ ਪੰਜਾਬੀ ਭਾਸ਼ਾ ਦੇ ਪਾਠਕ ਅਣਗਿਣਤ ਤੇ ਹੋਰ ਲੋਕ ਵੀ ਹੁੰਦੇ। ਉਸ ਨੇ ਇਸ ਨੂੰ ਕੋਈ ਨਵੀਂ ਦਿਸ਼ਾ ਦੇਣ ਦਾ ਕੋਈ ਉਪਰਾਲਾ ਵੀ ਨਾ ਕੀਤਾ। ਕੋਈ ਵਿਗਿਆਨਿਕ ਸੋਚ ਨਾ ਭਰੀ। ਬਸ ਲਕੀਰ ਦਾ ਫਕੀਰ ਹੀ ਰਿਹਾ। ਕਿਤਾਬਾਂ ਲਿਖ-ਲਿਖ ਢੇਰਾਂ-ਦੇ-ਢੇਰ ਲਾਉਂਦਾ ਰਿਹਾ ਪਰ ਪਾਠਕ ਪੈਦਾ ਨਾ ਕਰ ਸਕਿਆ। ਸ਼ਾਇਦ ਏਸੇ ਹੀ ਕਰਕੇ  ਹੁਣ ਤੱਕ ਦੂਸਰੀਆਂ ਭਾਸ਼ਾਵਾਂ ਦੇ ਮੁਕਾਬਲੇ ਇਹ ਗਰੀਬ ਰਹੀ। ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਚਾਹੇ ਲੱਖ ਅਮੀਰ ਹੋਣ।
ਖੈਰ, ਆਪਜੀ ਦੁਆਰਾ ਕੀਤੇ ਜੀ ਰਹੇ ਸਾਰੇ ਹੀ ਉਪਰਾਲੇ ਸੁਲਾਹੁਣਯੋਗ ਹਨ। ਮੈਨੂੰ ਉਮੀਦ ਹੈ ਕਿ ਆਉਣ ਵਾਲੇ ਸਮੇਂ ਵਿਚ ਵੀ ਆਪ ਏਸੇ ਤਰਾਂ ਹੀ ਤੰਦ-ਤੰਦ ਜੋੜਦੇ ਰਹੋਗੇ। 
ਭੂਪਿੰਦਰ
ਨਿਊਯਾਰਕ 
*********************************************************************************************************
ਹਰਦੀਪ ਜੀ,
ਤੁਸੀਂ ਕੋਈ ਨਾ ਕੋਈ ਉਪਰਾਲਾ ਕਰਦੇ ਰਹਿੰਦੇ ਹੋ। ਇਹ ਜਾਣ ਕੇ ਬਹੁਤ ਹੀ ਖੁਸ਼ੀ ਹੁੰਦੀ ਹੈ ਅਤੇ ਫਖਰ ਵੀ। ਤੁਹਾਡੀ ਇਹ ਲਗਨ ਅਤੇ ਮਿਹਨਤ ਇਸੇ ਤਰਾਂ ਬਰਕਰਾਰ ਰਹੇ ਇਹੀ ਕਾਮਨਾ ਹੈ।

ਪੰਜਾਬੀ ਹਾਇਕੁ ਦੇ ਪ੍ਰਸਾਰ ਲਈ ਇੱਕ ਨਵੀਂ ਸਾਈਟ ਸ਼ੁਰੂ ਕਰਨ ਦੀ ਗੱਲ ਨਿਸਚੇ ਹੀ ਇੱਕ ਨਵੀਂ ਖੁਸ਼ਖਬਰੀ ਹੈ। ਇਸਦੀ ਸਫਲਤਾ ਲਈ ਦੁਆ ਵੀ ਕਰਦਾ ਹੈਂ ਅਤੇ ਹਰ ਸੰਭਵ ਸਹਿਯੋਗ ਦਾ ਵਾਅਦਾ ਵੀ।

ਤੁਹਾਡੇ ਕਲਮੀ ਪਰਿਵਾਰ ਦਾ ਆਪਣਾ ਹੀ,
ਰੈਕਟਰ ਕਥੂਰੀਆ 

ਸੰਪਾਦਕ-
ਪੰਜਾਬ ਸਕਰੀਨ
ਲੁਧਿਆਣਾ 
*********************************************************************************************************

ਹਰਦੀਪ ਭੈਣ,
ਸਤਿ ਸਿਰੀ ਅਕਾਲ !

        ਪੰਜਾਬੀ ਸਾਹਿਤ ਨੂੰ ਤੁਹਾਡੀ ਦੇਣ ਪਹਿਲਾਂ ਹੀ ਬਹੁਤ ਹੈ ...ਇਹ ਉਪਰਾਲਾ ਕਰ ਕੇ ਤੁਸੀਂ ਬਹੁਤ ਹੀ ਸ਼ਲਾਘਾਯੋਗ ਕੰਮ ਕੀਤਾ ਹੈ ...ਮੈਂ ਵੀ ਕੋਸ਼ਿਸ ਕਰਾਂਗਾ ਕਿ 'ਹਾਇਕੁ-ਲੋਕ' 'ਤੇ ਆਪਣੀ ਹਾਜਰੀ ਲੁਆ ਕੇ ਖੁਸ਼ੀ ਲੈ ਸਕਾਂ ।ਹਾਲੇ ਇੱਕ ਕਿਤਾਬ 'ਤੇ ਕੰਮ ਕਰ ਰਿਹਾ ਹਾਂ।
ਬਹੁਤ ਬਹੁਤ ਦੁਆਵਾਂ ਦੇ ਨਾਲ !
 ਤੁਹਾਡਾ ਵੀਰ 
 ਹਰਵਿੰਦਰ ਧਾਲੀਵਾਲ 
***********************************************************************************************************
ਹਰਦੀਪ ਜੀ, 
ਪੰਜਾਬੀ ਵਿਚ ਤੁਹਾਡਾ ਇਹ ਉੱਦਮ ਪ੍ਰੰਸ਼ਸਾ ਯੋਗ ਹੈ... ਇਸ ਨਾਲ ਪੰਜਾਬੀ ਵਿਚ ਲਿਖੇ ਜਾ ਰਹੇ ਹਾਇਕੁ ਨੂੰ ਇੱਕ ਦਿਸ਼ਾ ਤੇ ਸੇਧ ਮਿਲੇਗੀ, ਮੈਨੂੰ ਉਮੀਦ ਹੈ।ਹਿੰਦੀ ਵਿਚ ਤਾਂ ਤੁਸੀਂ ਬਹੁਤ ਕੁਝ ਕਰ ਹੀ ਰਹੇ ਹੋ, ਆਪਣੀ ਮਾਂ-ਬੋਲੀ ਲਈ ਵੀ ਜੋ ਫਰਜ਼ ਬਣਦਾ ਹੈ, ਉਹ ਤੁਸੀਂ ਪੂਰਾ ਕਰ ਰਹੇ ਹੋ... ਤੁਸੀਂ ਬਹੁਤ ਵਧੀਆ ਕੰਮ ਕਰ ਰਹੇ ਹੋ...ਤੁਹਾਡੇ ਜਿੰਨੀ ਊਰਜਾ ਤੇ ਤੁਹਾਡੇ ਜਿੰਨ੍ਹਾ ਜ਼ਜਬਾ ਮੈਂ ਕਿੱਥੇ ਰੱਖ ਸਕਦਾ ਹਾਂ।ਤੁਸੀਂ ਆਪਣਾ ਇਹ ਯਤਨ ਜਾਰੀ ਰੱਖੋ...ਬਹੁਤ ਚੰਗੇ ਲੋਕ ਜੁੜਨਗੇ ਇਸ ਕਾਰਵਾਂ ਵਿਚ !ਮੇਰੀਆਂ ਸ਼ੁਭ ਕਾਮਨਾਵਾਂ ਤੁਹਾਡੇ ਨਾਲ ਹਨ ।
ਮੇਰੀਆਂ ਸ਼ੁਭ ਕਾਮਨਾਵਾਂ !
ਸੁਭਾਸ਼ ਨੀਰਵ
ਸੰਪਾਦਕ 
*****************************************************************************
 1 जुलाई 2012 को 'हाइकु -लोक' पर  मेरे हिंदी हाइकु का पंजाबी में अनुवाद पढ़ने को मिला । किसी भाषा के छन्द का दूसरी भाषा में छन्द का निर्वाह करके अनुवाद करना कठिन है ; लेकिन  हरदीप बहन हर ओखे काम को सोखा बनाकर पेश करने में सचमुच जादूगर है । दिल के हर कोने से बधाइयाँ और मेरा आभार । इतना सुन्दर अनुवाद करना हर किसी के बस का नहीं। 
पुन: आपके इस नए काम के लिए आभार ! 


रामेश्वर काम्बोज 'हिमांशु 
सम्पादक 
लघुकथा डॉट काम तथा हिंदी हाइकु डॉट नेट 
*******************************************************************************************
ਡਾ. ਮੈਡਮ,
ਪੰਜਾਬੀ ਹਾਇਕੁ ਲਈ ਬਹੁਤ ਵਧੀਆ ਉਪਰਾਲਾ ਹੈ। ਤੁਹਾਡਾ ਕੰਮ ਸ਼ਲਾਘਾਯੋਗ ਹੈ। ਪ੍ਰਮਾਤਮਾ ਹਮੇਸ਼ਾਂ ਤੁਹਾਡੇ ਨਾਲ਼ ਹੈ। ਤੁਸੀਂ ਪੰਜਾਬੀ ਬੋਲੀ ਲਈ ਬਹੁਤ ਵਧੀਆ ਕੰਮ ਕਰ ਰਹੇ ਹੋ।
ਸੋਮ ਸਹੋਤਾ
(ਡਾਇਰੈਕਟਰ/ ਪਰਿਜ਼ੈਂਟਰ)
ਹਰਮਨ ਰੇਡੀਓ 
********************************************************************************************
18.07.12
ਸਤਿਕਾਰਯੋਗ ਹਰਦੀਪ ਜੀ , 
ਹਾਇਕੁ-ਲੋਕ ਆਪਣੀ ਪਛਾਣ ਵੱਲ ਵਧ ਰਿਹਾ ਹੈ । ਇਹ ਤੁਹਾਡੀ ਲਗਨ ਅਤੇ ਮਿਹਨਤ ਸਦਕਾ ਹੀ ਹੈ। ਮੇਰੇ ਲਾਇਕ ਕੋਈ ਸੇਵਾ ਹੋਵੇ , ਹਾਜ਼ਰ ਹਾਂ।
ਡਾ. ਸ਼ਿਆਮ ਸੁੰਦਰ ਦੀਪਤੀ
ਗੌਰਮਿੰਟ ਮੈਡੀਕਲ ਕਾਲਜ
ਅੰਮ੍ਰਿਤਸਰ 
*******************************************************************************************
 
ਹਰਦੀਪ ਜੀ,
ਮੈਨੂੰ ਹਾਇਕੁ ਪਸੰਦ ਨਹੀਂ ਸੀ ਪਰ ਜਦੋਂ ਤੋਂ ਤੁਸੀਂ ਬਲਾਗ ਖੋਲ੍ਹਿਆ ਹੈ ਲਿਖਣ ਦੀ ਜਿਗਿਆਸਾ ਬਣ ਗਈ ਹੈ |
ਹਰਕੀਰਤ 'ਹੀਰ'
ਗੁਵਾਹਾਟੀ ਅਸਾਮ
*****************************************************************************
22.08.12
ਪਿਆਰੀ ਛੋਟੀ ਭੈਣ ਹਰਦੀਪ 
ਹਾਇਕੁ ਲੋਕ 'ਤੇ ਤੇਰੀ ਮਿਹਨਤ ਅਤੇ ਸਿਰੜ ਨੂੰ ਸਲਾਮ...! ਹਾਇਕੁ-ਲੋਕ ਨਿੱਤ ਨਵੀਆਂ ਉੱਚਾਈਆਂ ਨੂੰ ਛੂਹ ਰਿਹਾ ਹੈ। ਸਾਰੇ ਹਾਇਕੁਕਾਰ ਵਧਾਈ ਦੇ ਪਾਤਰ ਹਨ! 

ਪ੍ਰੋ. ਦਵਿੰਦਰ ਕੌਰ ਸਿੱਧੂ
(ਦੌਧਰ-ਮੋਗਾ) 
*********************************************************************************************************
30.09.12

Dear editorial board, 

Your effort in this direction is indeed commendable. I don’t write Haiku; however I’ll be visiting the site and enjoy the writings of others.

Best regards and with best wishes,
Jasbir Mahal
(Writer of Punjabi Poetry book : 2009-  Aapne Aap Kol (ਕਾਵਿ ਪੁਸਤਕ- ਆਪਣੇ ਆਪ ਕੋਲ਼) 
(Surrey - British Columbia- Canada) 

****************************************************************************

ਹਰਦੀਪ,
ਆਪ ਬਹੁਤ ਚੰਗੀ ਹੈ ਇਸ ਲਈ ਸਾਰਿਆਂ ਲਈ ਚੰਗਾ ਲਿਖਦੀ ਹੈ ।ਉਸ ਦੀਆਂ ਲਿਖਤਾਂ 'ਚ ਪੰਜਾਬ ਵਸਦਾ ਹੈ। ਸਾਉਣ ਦੇ ਮਹੀਨੇ 'ਚ ਲਗਾਈ ਪੋਸਟ 'ਚ ਉਸ ਨੇ ਆਪਣੇ ਅਤੀਤ ਨੂੰ ਯਾਦ ਕੀਤਾ ਜਦੋਂ ਓਹ ਆਵਦੇ ਅਸਲੀ ਘਰ ਤੋਂ ਕੋਹਾਂ ਦੂਰ ਬੈਠੀ ਹੈ।
ਹਰਦੀਪ ਤੇਰਾ ਨਿਵਾਸ ਭਾਵੇਂ ਆਸਟ੍ਰੇਲੀਆ 'ਚ ਹੈ ਪਰ ਤੂੰ ਪੰਜਾਬ 'ਚ ਜਿਉਂ ਰਹੀ ਹੈਂ।ਹਰ ਕੰਮ ਨੂੰ ਸੋਹਣਾ ਬਣਾ ਕੇ ਪੇਸ਼ ਕਰਦੇ ਹੋ। ਯੂ ਆਰ ਗ੍ਰੇਟ , ਮੇਰੇ ਹਾਇਕੁਆਂ ਨੂੰ ਬੜਾ ਹੀ ਰੰਗੀਨ ਬਣਾ ਕੇ ਪੇਸ਼ ਕੀਤਾ।ਸੋ ਨਾਈਸ ਆਫ਼ ਯੂ !
 ਦਿਲਜੋਧ ਸਿੰਘ 
(ਬਟਾਲ਼ਾ-ਦਿੱਲੀ)
************************************************************************************************
4.10.12
 ਹਰਦੀਪ ਜੀ,
ਬਹੁਤ ਬਹੁਤ ਵਧਾਈ !
ਸੱਚਮੁੱਚ ਹਾਇਕੁ ਲੋਕ ਆਪਣੀ ਤਰਾਂ ਦਾ ਵੱਖਰਾ ਬਲੋਗ ਹੈ ।
ਤੁਸੀਂ ਕਈ ਦੇਸ਼ਾਂ ਨੂੰ ਇਸ ਨਾਲ ਜੋੜਿਆ ਹੈ।ਤੁਹਾਡੀ ਕਾਮਯਾਬੀ ਦਾ ਰਾਜ਼ ਤੁਹਾਡਾ ਮਿੱਠਾ ਵਰਤਾਓ ਹੈ।
ਰੱਬ ਕਰੇ 
ਇਹ ਦਿਨ ਦੁਗਣੀ ਰਾਤ ਚੌਗੁਣੀ ਤਰੱਕੀ ਕਰੇ !
ਹਰਕੀਰਤ ਹੀਰ
ਆਸਾਮ (ਗੁਵਾਹਾਟੀ)
******************************************************************************************
5.10.12
ਹਾਇਕੁ -ਲੋਕ ਇੱਕ ਐਸਾ ਮੰਚ ਹੈ ਜਿਸ ਨੇ ਨਵੇਂ ਲੇਖਕਾਂ ਨੂੰ  ਉਤਸ਼ਾਹਿਤ ਕੀਤਾ ਤਾਂ ਜੋ ਉਹ ਆਪਣੀ ਪ੍ਰਤਿਭਾ ਲੋਕਾਂ ਤੱਕ ਪਹੁੰਚਾ  ਸਕਣ ।ਇਹ ਸਭ ਸਭੰਵ ਹੋਇਆ ਹਾਇਕੁ -ਲੋਕ ਦੇ ਕਾਰਨ।  ਮੈਨੂੰ ਵੀ ਇਸ ਤੋਂ ਪ੍ਰੇਰਨਾ ਮਿਲੀ। ਮੈਂ ਤਾਂ ਸਿਰਫ ਐਨਾ ਹੀ ਕਹਿਣਾ ਚਾਹੁੰਦਾ ਹਾਂ ਕਿ ਆਪਣੀ ਪ੍ਰਤਿਭਾ ਨੂੰ ਅੰਦਰ ਦਬਾ ਕੇ ਨਾ ਰੱਖੋ ।ਹਾਇਕੁ- ਲੋਕ ਦੇ ਦਰਵਾਜ਼ੇ ਹਰ ਇੱਕ ਪ੍ਰਤਿਭਾਸ਼ਾਲੀ ਲਈ ਖੁੱਲੇ ਹਨ।ਅੰਤ ਵਿੱਚ ਮੈਂ ਇਹ ਹੀ ਕਹਾਂਗਾ ਕਿ ਚੰਗੀ ਤੇ ਸਾਫ ਸੁਥਰੀ ਲਿਖਤ ਲਿਖੋ ਤਾਂ ਜੋ ਆਪਾਂ ਹਾਇਕੁ- ਲੋਕ ਦਾ ਨਾਮ ਸਾਰੀ ਦੁਨੀਆਂ ਵਿੱਚ ਰੌਸ਼ਨ ਕਰ ਸਕੀਏ ।
ਸ਼ੁੱਭ-ਇੱਛਾਵਾਂ ਨਾਲ਼
ਵਰਿੰਦਰਜੀਤ ਸਿੰਘ ਬਰਾੜ
(ਬਰਨਾਲ਼ਾ)
********************************************************************************************
6.10.12
ਡਾ. ਸੁਧਾ ਗੁਪਤਾ ਜੀ ਨੇ ਹੱਥਲੀ ਚਿੱਠੀ ਆਪਣੀ ਹਾਇਕੁ-ਕਾਵਿ ਪੁਸਤਕ "ਧੂਪ ਸੇ ਗੱਪਸ਼ੱਪ" 'ਚੋਂ ਲਏ ਹਾਇਕੁਆਂ ਦਾ ਪੰਜਾਬੀ ਅਨੁਵਾਦ ਪੜ੍ਹਨ ਤੋਂ ਬਾਦ ਹਾਇਕੁ-ਲੋਕ ਦੇ ਨਾਂ ਲਿਖੀ।
''किसी भी कविता का अविकल अनुवाद कठिन और ना मुमकिन काम है । अगर वह कविता छन्द में बँधी है और उसका अनुवाद उसी छन्द में किया जाए तो यह कवि के लिए बड़ी चुनौती है ड़ॉ हरदीप जी ने इस चुनौती को स्वीकार किया है ।मैंने अपने हाइकु के अनुवाद पढ़े । मुझे आश्चर्य के साथ खुशी भी हुई कि हरदीप जी ने भावों की रक्षा करते हुए अनुवाद को सफलतापूर्वक अंजाम दिया । आप इसी तरह दिन दौ गुनी रात चगुनी तरक्की करती रहो । मेरे सारे के सारे आशीर्वाद आपके लिए ।'' 
डॉ सुधा गुप्ता 
(मेरठ)
dr.sudhagupta.meerut@gmail.com
************************************************************************************
20.12.12
ਹਾਇਕੁ-ਲੋਕ 'ਤੇ ਪ੍ਰਕਾਸ਼ਿਤ ਹਾਇਕੁ ਅਤੇ ਪਾਠਕਾਂ ਦੀਆਂ ਸਾਰਥਕ ਟਿੱਪਣੀਆਂ ਪੜ੍ਹ ਕੇ ਮਨ ਬਹੁਤ ਖੁਸ਼ ਹੋਇਆ। ਇਸ ਵਧੀਆ ਉਪਰਾਲ਼ੇ ਲਈ ਸੰਪਾਦਕ ਵਧਾਈ ਦਾ ਹੱਕਦਾਰ ਹੈ। ਸਾਡੇ ਵਲੋਂ ਆਪ ਜੀ ਦਾ ਬਹੁਤ-ਬਹੁਤ ਧੰਨਵਾਦ !

ਹਰਭਜਨ ਸਿੰਘ ਖੇਮਕਰਨੀ
(ਅੰਮ੍ਰਿਤਸਰ)
***********************************************************************************
19.1.2013
ਸਤਿਕਾਰਤ ਡਾ. ਸੰਧੂ ਜੀ,
ਸਤਿ ਸ੍ਰੀ ਅਕਾਲ !
ਹਾਇਕੁ -ਲੋਕ ਨੂੰ ਵਾਚਣ ਦਾ ਮੌਕਾ ਮਿਲਿਆ...ਸਾਈਟ ਬੇਹੱਦ ਪ੍ਰਭਾਵਸ਼ਾਲੀ ਹੈ ... ਹਾਇਕੁਕਾਰਾਂ ਦੇ ਹਾਇਕੁ ਚੰਗੇ ਲੱਗੇ...ਖੁਸ਼ੀ ਹੋਈ ਕਿ ਆਪ ਜੀ ਪੰਜਾਬੀ ਸਾਹਿਤ ਦੇ ਵਿਕਾਸ ਲਈ ਇੱਕ ਨਿੱਗਰ ਉਪਰਾਲਾ ਕਰ ਰਹੇ ਹੋ ... ਸ਼ਾਲਾ ਆਪ ਜੀ ਦਾ ਇਹ ਉਪਰਾਲਾ ਦਿਨ ਦੁੱਗਣੀ ਰਾਤ ਚੌਗਣੀ ਤਰੱਕੀ ਕਰੇ !
- ਬੂਟਾ ਸਿੰਘ ਵਾਕਫ਼, 
ਸ੍ਰੀ ਮੁਕਤਸਰ ਸਾਹਿਬ
****************************************************************************************************
22.2.13 
हाइकु में जुगलबन्दी की शुरुआत आपने की थी कभी हिन्दी हाइकु पर ।आपने हिन्दी हाइकु पर जुगलबन्दी का सुन्दर प्रयोग किया था ।   कुछ और लोग भी इस जुगलबन्दी से जुड़े । अब यहाँ भी ! .....हाइकुलोक को भी उससे सजा दिया। बहुत अच्छा प्रयास है । आपका यह काम सदा याद किया जाएगा ।आपका यह काम सराहनीय है हरदीप जी ***********************************************************************************
ताँका की इस जुगलबन्दी में आप दोनों बहनों (दविन्दर जी और हरदीप जी) ने प्रकृति और अन्त: प्रकृति के मार्मिक चित्र पेश किए है्। आप दोनों का एक-एक शब्द दिल को छू  गया । आपका यह काम देर सवेर पंजाबी में नया मुकाम पाएगा । आज किसी का भी हो कल उसी का होगा जिसका रास्ता सही है और आप उसी सही रास्ते पर हौले-हौले कदम रख रहे हो । मेरा आशीर्वाद ,लाख-लाख शुभ कामनाएँ कि चन्द्रमा की कला की तरह आपका यह प्रयास बढ़ता ही रहे । बधाई बहन दविन्दर जी और हरदीप जी!!!
************************************************************************
ताँका की जुगलबन्दी ! बहुत खूब हरदीप जी और दविन्दर सिद्धू जी । पंजाबी में इस विधा की अब यह शुरुआत यकीन दिलाती है कि जापानी नियम का सही तरीके से पालन होगा । मेरी शुभकामनाएँ ।
- डॉ सतीशराज पुष्करणा
***********************************************************************
  ਜੋਗਿੰਦਰ ਸਿੰਘ 'ਥਿੰਦ' 10.3.13
ਹਰਦੀਪ,ਮੇਰੇ ਵਲੋਂ ਤੇ ਤੇਰੀ ਆਂਟੀ ਵਲੋਂ ਬਹੁਤ ਬਹੁਤ ਵਧਾਈ ਹੋਵੇ । ਅੰਤਰਰਾਸ਼ਟਰੀ ਮੰਚ 'ਤੇ ਤੁਹਾਡੇ ਵਲੋਂ ਹਾਇਕੁ-ਲੋਕ ਲਈ ਪਾਏ ਯੋਗਦਾਨ ਦਾ ਵਰਨਣ ਕੀਤਾ ਜਾਣਾ ਵਾਕਿਆ ਹੀ ਮਾਣ ਵਾਲੀ ਗੱਲ ਹੈ। ਅਸੀ ਵੀ ਮਾਣ ਅਨੁਭਵ ਕਰਦੇ ਹਾਂ ।
**************************************************************
15.3.2013
ਸਤਿ ਸ੍ਰੀ ਅਕਾਲ ਜੀ,
ਹਾਇਕੁ ਦੁਨੀਆਂ ਦੀਆਂ ਤਕਰੀਬਨ ਸਾਰੀਆਂ ਭਾਸ਼ਾਵਾਂ 'ਚ ਸਿਰਜਿਆ ਜਾ ਰਿਹਾ ਹੈ ਅਤੇ ਹਾਇਕੁ ਨੂੰ ਪੰਜਾਬੀ 'ਚ ਪ੍ਰਫੁੱਲਤ ਹੁੰਦਿਆਂ ਦੇਖ ਬਹੁਤ ਖੁਸ਼ੀ ਹੋਈ । ਬਹੁਤ ਖੂਬਸੂਰਤ ਵੈਬਸਾਇਟ ਹੈ ਜੀ , ਦਿਨ ਦੁੱਗਣੀ ਅਤੇ ਰਾਤ ਚੌਗਣੀ ਤਰੱਕੀ ਕਰੋਂ ਜੀ !
ਆਦਰ ਸਹਿਤ 
ਜਗਰਾਜ ਸਿੰਘ ਪਿੰਡ ਢੁੱਡੀਕੇ (ਨਾਰਵੇ)
+47-98845278
*******************************************************************
17.04.13 
ਹਾਇਕੁ- ਲੋਕ ਦੀ ਤੰਦ ਭੇਜਣ ਲਈ ਬਹੁਤ ਧੰਨਵਾਦ। ਕੁਝ ਹਾਇਕੁ ਪੜ੍ਹੀਆਂ ਵੀ ਚੰਗੀਆਂ ਲੱਗੀਆਂ। ਅੱਜ-ਕੱਲ੍ਹ ਇੱਕ ਕਾਨਫਰੰਸ ਦੇ ਪ੍ਰਬੰਧ ਵਿੱਚ ਰੁੱਝਾ ਹੋਣ ਕਰਕੇ ਹੋਰ ਨਹੀਂ ਲਿਖ ਪਾ ਰਿਹਾ।  ਪੰਜਾਬੀ ਦੀ ਅਮੀਰੀ ਵਿੱਚ ਹੋਰ ਵਾਧਾ ਕਰਨ ਲਈ ਹਾਇਕੁ- ਲੋਕ ਨੂੰ ਦਿਲੀ ਮੁਬਾਰਕਾਂ। ਆਪਣਾ ਇੱਕ ਲੇਖ ਵੀ ਨੱਥੀ ਕਰ ਰਿਹਾ ਹਾਂ। ਹਾਇਕੁ ਜਗਤ ਤੱਕ ਪੁੱਜਦਾ ਕਰਨ ਦੀ ਕਿਰਪਾਲਤਾ ਕਰਨਾ। ਅਹਿਸਾਨਮੰਦ ਹੋਵਾਂਗਾ। ਇਹ ਲੇਖ 5abi.com'ਤੇ ਵੀ ਪੜ੍ਹਿਆ ਜਾ ਸਕਦਾ ਏ। 
ਸ਼ੁਭ ਇੱਛਾਵਾਂ ਸਹਿਤ
ਜੋਗਾ ਸਿੰਘ
ਜੋਗਾ ਸਿੰਘ, ਐਮ.ਏ., ਐਮ.ਫਿਲ., ਪੀ-ਐਚ.ਡੀ. (ਯੌਰਕ, ਯੂ.ਕੇ.)
ਪ੍ਰੋਫੈਸਰ ਅਤੇ ਸਾਬਕਾ ਮੁਖੀ, ਭਾਸ਼ਾ ਵਿਗਿਆਨ ਅਤੇ ਪੰਜਾਬੀ ਕੋਸ਼ਕਾਰੀ ਵਿਭਾਗ
ਡਾਇਰੈਕਟਰ, ਸੈਂਟਰ ਫਾਰ ਡਾਇਸਪੋਰਾ ਸਟੱਡੀਜ਼
ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ - 147 002 (ਪੰਜਾਬ) - ਭਾਰਤ।
ਕਾਮਨਵੈਲਥ ਵਜੀਫਾ ਪ੍ਰਾਪਤ (1990-93)
ਜੇਬੀ: +91-9915709582 ਘਰ: +91-175-2281582 ਦਫ: +91-175-304-6511/6241
**********************************************************************************
17.04.13
ਪਿਆਰੀ ਹਰਦੀਪ,
 ਨਿੱਘੀ ਯਾਦ!
 ਮੈਂ ਸਾਰਾ ਹਾਇਕੁ ਲੋਕ ਹੁਣੇ ਹੁਣੇ ਪੜ੍ਹ ਕੇ ਹਟੀ ਹਾਂ। ਸਾਰੇ ਹਾਇਕੁ ਬੜੇ ਚੰਗੇ ਲੱਗੇ। ਖਾਸ ਕਰ ਪਿੰਡ ਦੀ ਸਵੇਰ ਨਾਲ ਸਬੰਧਿਤ ਹਾਇਕੁ। ਸਾਡੀ ਛੋਟੀ ਭੈਣ ਸਭ ਨੂੰ ਉਂਗਲ ਲਾ ਕੇ ਨਾਲ ਤੋਰ ਰਹੀ ਹੈ। ਇਹ ਸ਼ਲਾਘਾਯੋਗ ਹੈ ਤੇ ਤੇਰੀ ਇੱਕ ਬਹੁਤ ਵੱਡੀ ਦੇਣ ਹੈ। ਸ਼ਾਲਾ ਇਸੇ ਤਰਾ ਹਾਇਕੁ ਲੋਕ ਨੂੰ ਵਧਾਉਂਦੇ ਤਰੱਕੀ ਦੇ ਰਾਹ 'ਤੇ ਤੁਰਦੇ ਰਹੋ, ਪਰਮਾਤਮਾ ਅੱਗੇ ਇਹੀ ਦੁਆ ਹੈ। 
ਸ਼ੁਭ ਕਾਮਨਾਵਾ ਸਹਿਤ,
ਪ੍ਰੋ. ਦਵਿੰਦਰ ਕੌਰ ਸਿੱਧੂ 
****************************************************************************
27.6.13
ਮੈਡਮ ਹਰਦੀਪ ਜੀ,
ਫਤਹਿ ਕਬੂਲ ਕਰਨੀ !
ਆਪ ਜੀ ਦਾ ਸੁਨੇਹਾ ਮਿਲ਼ਿਆ। ਰੂਹ ਨੂੰ ਠਾਰ ਗਿਆ। ਐਨਾ ਮੋਹ ਤੇ ਪਿਆਰ ਪੰਜਾਬੀ ਹੀ ਦੇ ਸਕਦੇ ਨੇ। ਆਪ ਜੀ ਨੇ ਮੇਰੇ ਵਿਚਾਰਾਂ ਨੂੰ ਹੱਲਾਸ਼ੇਰੀ ਹੀ ਨਹੀਂ ਦਿੱਤੀ ਸਗੋਂ ਮੇਰੀ ਕਲਮ ਨੂੰ ਵੀ ਆਸ ਭਰਿਆ ਹੁੰਗਾਰਾ ਦਿੱਤਾ ਹੈ। ਮੇਰੀ ਰਚਨਾ 'ਧੀ ਧਿਆਣੀ' ਲਈ ਕੀਤੀ ਮਿਹਨਤ ਲਈ ਤਹਿ ਦਿਲੋਂ ਸ਼ੁਕਰਗੁਜ਼ਾਰ ਹਾਂ। ਆਪ ਨਾਲ਼ ਜੁੜਨ ਦੀ ਕੋਸ਼ਿਸ਼ ਜਾਰੀ ਰੱਖਾਂਗੀ। 
ਨਵੀਂ ਵਿਧਾ ਬਾਰੇ ਆਪ ਜੀ ਵਲੋਂ ਹੀ ਪਤਾ ਲੱਗਾ ਹੈ। ਆਪ ਜੀ ਰਾਹੀਂ ਦਿੱਤੀ ਗਈ ਅਨੋਖੀ ਜਾਣਕਾਰੀ ਲਈ ਦਿਲੋਂ ਰਿਣੀ ਹਾਂ ਤੇ ਆਪ ਜੀ ਨਾਲ਼ ਜੁੜੇ ਰਹਿ ਕੇ ਨਵਾਂ ਕੁਝ ਲਿਖਣ ਤੇ ਜਾਨਣ ਲਈ ਤਰਸ ਰਹੀ ਹਾਂ। ਮੇਰੀਆਂ ਕੱਚ-ਘਰੜ ਰਚਨਾਵਾਂ ਨੂੰ ਤਰਾਸ਼ ਕੇ ਮਨਮੋਹਕ ਤੇ ਸੁਹਪਣ ਭਰੇ ਅੰਦਾਜ਼ ਵਿੱਚ ਸ਼ਿੰਗਾਰਣ ਲਈ ਆਪਣਾ ਕੀਮਤੀ ਸਮਾਂ ਮੇਰੇ ਨਾਮ ਕਰਨ ਲਈ ਧੰਨਵਾਦ । 
ਨਿਰਮਲ ਸਤਪਾਲ - ਪ੍ਰਿੰਸੀਪਲ ਸ ਸ ਸ ਸ ਨੂਰਪੁਰ-ਬੇਟ (ਲੁਧਿਆਣਾ) 
*******************************************************************************
13.7.13
ਹਾਇਕੁ ਲੋਕ ਵਾਚਿਆ ... ਬਹੁਤ ਵਧੀਆ ਲੱਗਿਆ। ਆਪ ਦੇ ਉਪਰਾਲੇ ਸ਼ਲਾਘਾਯੋਗ ਹਨ। ਸ਼੍ਰੀ ਰਾਮੇਸ਼ਵਰ ਕੰਬੋਜ ਹਿਮਾਸ਼ੂ ਜੀ ਨੇ ਵੀ ਇਸ ਬਾਰੇ ਕਈ ਵਾਰ ਗੱਲ ਕੀਤੀ ਹੈ। ਮੈਂ ਇਸ ਵਿਧਾ ਬਾਰੇ ਵਿਸਥਾਰ ਵਿੱਚ ਜਾਣਕਾਰੀ ਚਾਹੁੰਦਾ ਹਾਂ। ਹਾਂ ਸੱਚ, ਇੱਕ ਗੱਲ ਮੈਨੂੰ ਆਪ ਜੀ ਦੀ ਬੜੀ ਵਧੀਆ ਲੱਗੀ ਕਿ ਆਪ ਹਾਇਕੁਆਂ ਵਿੱਚ ਆਪਣੀਆਂ ਟਿੱਪਣੀਆਂ ਵੀ ਦਰਜ ਕਰਦੇ ਹੋ.. ਇਸ ਨਾਲ ਲੇਖਕਾਂ ਨੂੰ ਹੱਲਾਸ਼ੇਰੀ ਮਿਲਦੀ ਹੈ… ਆਪ ਦਾ ਕੰਮ ਮੈਨੂੰ ਇੱਕ ਜਨੂੰਨ ਦੀ ਤਰਾਂ ਲੱਗਿਆ ਹੈ, ਜੋ ਹਾਇਕੁ ਦੀ ਸਥਾਪਤੀ ਲਈ ਹੈ।
ਧੰਨਵਾਦਜਗਦੀਸ਼ ਰਾਏ ਕੁਲਰੀਆਂ 
(ਬਰੇਟਾ-ਮਾਨਸਾ)
********************************************************************************** 
16.7.13
ਸਤਿਕਾਰਯੋਗ ਹਰਦੀਪ ਜੀ ,
ਬਹੁਤ ਬਹੁਤ ਧੰਨਵਾਦ। ਮੈਨੂੰ ਜਗਦੀਸ਼ ਕੁਲਰੀਆਂ ਜੀ ਨੇ ਇਸ ਬਲਾਗ ਬਾਰੇ ਜਾਣਕਾਰੀ ਦਿੱਤੀ। ਬਹੁਤ ਹੀ ਵਧੀਆ ਉਪਰਾਲਾ ਹੈ। ਇਹ ਉਪਰਾਲਾ ਕਰ ਕੇ ਤੁਸੀਂ ਬਹੁਤ ਹੀ ਸ਼ਲਾਘਾਯੋਗ ਕੰਮ ਕੀਤਾ ਹੈ।  ਹਾਇਕੁ-ਲੋਕ ਆਪਣੀ ਪਛਾਣ ਵੱਲ ਵਧ ਰਿਹਾ ਹੈ । ਇਹ ਤੁਹਾਡੀ ਲਗਨ ਅਤੇ ਮਿਹਨਤ ਸਦਕਾ ਹੀ ਹੈ। ਇਸਦੀ ਸਫਲਤਾ ਲਈ ਦੁਆ ਵੀ ਕਰਦਾ ਹਾਂ। ਪੰਜਾਬੀ ਵਿਚ ਤੁਹਾਡਾ ਇਹ ਉੱਦਮ ਪ੍ਰੰਸ਼ਸਾ ਯੋਗ ਹੈ।
ਸ਼ੁੱਭ-ਇੱਛਾਵਾਂ ਨਾਲ
ਮਹਿੰਦਰ ਪਾਲ ‘ ਮਿੰਦਾ ’ ਬਰੇਟ  8146661044
# ੫੮, ਮੁਲਾਜਮ ਕਲੋਨੀ, ਬੁਢਲਾਡਾ ਰੋਡ  ;ਬਰੇਟਾ (ਮਾਨਸਾ)
**************************************************************************************
17.08.13 
ਸਤਿ ਸ਼੍ਰੀ ਅਕਾਲ ਹਰਦੀਪ ਭੈਣ ਜੀ,
ਹਾਇਕੁ-ਲੋਕ ਨਾਲ਼ ਸਾਂਝ ਪਾ ਕੇ ਮੈਂ ਅੱਜ ਕਿੰਨਾ ਖੁਸ਼ ਹਾਂ ਦੱਸ ਨਹੀਂ ਸਕਦਾ । ਭੈਣ ਅੱਜ ਮੇਰੇ ਲਈ ਸੱਚੀ ਦੀਵਾਲੀ ਹੈ। ਸੱਚ ਪੁੱਛੋਂ ਭੈਣ ਜੀ ਮੈਨੂੰ ਕਈ ਸਾਲ ਹੋ ਗਏ ਨੇ ਕਦੀ ਦੀਵਾਲੀ ਦਿਲੀ ਖੁਸ਼ੀ ਨਾਲ ਨਹੀਂ ਮਨਾਈ। ਹਰ ਦੀਵਾਲੀ ਮੂੰਹ 'ਤੇ ਉਦਾਸੀ ਛਾਈ ਰਹਿੰਦੀ ਸੀ, ਪਰ ਹੁਣ ਪੂਰੀ ਆਸ਼ਾ
ਹੈ ਮੈਨੂੰ ਇੱਕ ਬਹੁਤ ਪਿਆਰਾ ਪਰਿਵਾਰ ਮਿਲ ਗਿਆ ਹੈ, ਜਿਸ ਨਾਲ ਹਰ ਤਿਉਹਾਰ ਸੱਚੀ ਖੁਸ਼ੀ ਨਾਲ ਮਨਾਵਾਂਗਾ । ਤੁਹਾਡਾ ਤਹਿ ਦਿਲੋਂ ਧੰਨਵਾਦੀ ਹਾਂ।

ਅੰਮ੍ਰਿਤ ਰਾਏ (ਪਾਲੀ)
ਮੰਡੀ ਅਮੀਨ ਗੰਜ
ਤਹਿ. ਤੇ ਜ਼ਿਲ੍ਹਾ ਫਾਜ਼ਿਲਕਾ ।
****************************************************************************
1.10.15
ਸਤਿਕਾਰਯੋਗ ਵੀਰ ਕੰਬੋਜ ਜੀ ਤੇ ਭੈਣ ਹਰਦੀਪ ਕੌਰ ਸੰਧੂ ਜੀਓ 
ਮਿੱਠੀ ਯਾਦ !
ਮੈਂ ਆਪ ਜੀ ਦਾ ਤੇ ਹਾਇਕੁ ਪਰਿਵਾਰ ਦਾ ਕੋਟਿ ਕੋਟਿ ਧੰਨਵਾਦੀ ਹਾਂ ਕਿ ਆਪ ਮੈਨੂੰ ਆਪਣੇ ਹਾਇਕੁ ਲੋਕ ਬਲਾਗ 'ਚ ਲਗਾਤਾਰ ਛਾਪ ਕੇ ਮੇਰਾ ਮਾਣ ਵਧਾ ਰਹੇ ਹੋ। ਇਹ ਤੁਹਾਡੀ ਲਗਾਤਾਰ ਸਖ਼ਤ ਮਿਹਨਤ ਤੇ ਇਮਾਨਦਾਰੀ ਦਾ ਸਿੱਟਾ ਹੈ ਕਿ ਤੁਸੀਂ ਇਸ ਹਾਇਕੁ ਵਿਧਾ ਦਾ ਮੂੰਹ -ਮੁਹਾਂਦਰਾ ਸੁਆਰਨ ਲਈ ਪੂਰੀ ਤਰਾਂ ਸਮਰਪਿਤ ਤੇ ਸੰਘਰਸ਼ੀਲ ਹੋ। ਸਾਹਿਤ ਸਾਧਨਾ ਕਰੜੀ ਮੁਸ਼ੱਕਤ ਤੇ ਸਚਾਈ ਦਾ ਨਾਂ ਹੈ। ਰੱਬ ਜੀ ਇਹ ਵੱਡਮੁੱਲੀ ਦਾਤ ਕਿਸੇ ਭਾਗਾਂਭਰੀਆਂ ਰੂਹਾਂ ਨੂੰ ਹੀ ਬਖਸ਼ਦਾ ਹੈ। ਪ੍ਰਮਾਤਮਾ ਤੁਹਾਨੂੰ ਲੰਬੀ ਉਮਰ ਤੇ ਚੰਗੀ ਸਿਹਤ ਬਖਸ਼ੇ। 
ਤੁਹਾਡਾ ਆਪਣਾ 
ਬੁੱਧ ਸਿੰਘ ਨਡਾਲੋਂ 
ਜ਼ਿਲ੍ਹਾ ਹੁਸ਼ਿਆਰਪੁਰ 
9915184432
*******************************************************************************
20.04.2016
O my dear Beti Hardeep,

A great work you are doing. Hats off to you.You are genius.I have also listen your sweet voice in JUGANINAMA-4 , great presentation beta.I read only one today.I am lucky to have person like you to encourage my talent -a hope to lead myself in a better way in the fag end of life.One never knows when some will come on your way to lead you where you want to reach.In my case, you are my torch bearer in the field of haiku. I will always look for guidance.With healthy interaction, I also started gaining a lot from your superb writings. I would enjoy reading regularly,A new vista of learning is opened today,under my guide-Dr,Beti,You command fathomed respect in my mind and heart, May God bestow you and your family- all comforts on you.

Surjit Singh Bhullar (USA)
Ex-MD, Milkfed Verka Plants


***************************************************************************************
ਸਫ਼ਰਸਾਂਝ ਬਾਰੇ ਆਪਣੇ ਵਿਚਾਰ ਹੇਠ ਲਿਖੇ ਸਿਰਨਾਵੇਂ 'ਤੇ ਭੇਜਣ ਦੀ ਖੇਚਲ਼ਾ ਕਰਨਾ ਜੀ। 
haikusyd@gmail.com
ਅਦਬ ਨਾਲ਼
ਸਫ਼ਰ ਸਾਂਝ 

ਇਹ ਪੰਨਾ 261 ਵਾਰ ਵੇਖਿਆ ਗਿਆ । 

1 comment:

  1. ਦਿਵਾਲੀ ਉਤੇ ਹਾਇਕੂ ਲਿਖ ਕੇ , ਲੇਖਕਾਂ ਨੇ ਦਿਵਾਲੀ ਨੂੰ ਰੋਸ਼ਨੀ ਦਾ ਬੜਾ ਗੂੜਾ ਰੰਗ ਦਿੱਤਾ ਹੈ । ਹੋ ਸਕਦਾ ਏ ਓਹ ਕੋਈ ਹਨੇਰੀ ਨੁਕਰ ਵੀ ਰੋਸ਼ਨ ਹੋ ਜਾਏ ਜੋ ਰੋਸ਼ਨੀ ਲਈ ਤਰਸ ਰਹੀ ਹੋਵੇ ॥

    ReplyDelete

ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ