ਚਿੱਠੀ ਲਿਖਣਾ ਕਿਸੇ ਕਲਾ ਤੋਂ ਘੱਟ ਨਹੀਂ ਹੁੰਦਾ। ਚਿੱਠੀ ਵਿੱਚ ਨਿੱਘ ਹੁੰਦਾ ਹੈ, ਮੋਹ ਹੁੰਦਾ ਹੈ ਤੇ ਅਪਣੱਤ ਹੁੰਦੀ ਹੈ। ਆਪਣਿਆਂ ਦੀ ਮਹਿਕ ਚਿੱਠੀ ਰਾਹੀਂ ਮਹਿਸੂਸ ਕੀਤੀ ਜਾ ਸਕਦੀ ਹੈ। ਚਿੱਠੀਆਂ ਸਾਡੀਆਂ ਭਾਵਨਾਵਾਂ ਦੀਆਂ ਤਰਜਮਾਨੀ ਕਰਦੀਆਂ ਨੇ। ਇਹ ਕਬੂਤਰ ਯੁੱਗ ਤੋਂ ਲੈ ਕੇ ਫ਼ੇਸਬੁੱਕ -ਵਟਸਐਪ ਯੁੱਗ ਤੱਕ ਪੁੱਜ ਗਈਆਂ ਨੇ। ਟੈਲੀਗ੍ਰਾਮਾਂ ਨੇ , ਫੋਨ ਨੇ, ਫੈਕਸ ਹੈ, ਈ -ਮੇਲਾਂ ਨੇ। ਪਰ ਚਿੱਠੀ ਤਾਂ ਚਿੱਠੀ ਹੀ ਹੈ। ਹਾਇਕੁ ਲੋਕ ਦੇ ਵਿਹੜੇ ਆਈਆਂ ਕੁਝ ਚਿੱਠੀਆਂ ਪੇਸ਼ ਹਨ -
ਨੋਟ: ਇਹ ਪੋਸਟ ਹੁਣ ਤੱਕ 67 ਵਾਰ ਪੜ੍ਹੀ ਗਈ
ਸਤਿਕਾਰਯੋਗ ਵੀਰ ਕੰਬੋਜ ਜੀ ਤੇ ਭੈਣ ਹਰਦੀਪ ਕੌਰ ਸੰਧੂ ਜੀਓ।
ਮਿੱਠੀ ਯਾਦ !
ਮੈਂ ਆਪ ਜੀ ਦਾ ਤੇ ਹਾਇਕੁ ਪਰਿਵਾਰ ਦਾ ਕੋਟਿ ਕੋਟਿ ਧੰਨਵਾਦੀ ਹਾਂ ਕਿ ਆਪ ਮੈਨੂੰ ਆਪਣੇ ਹਾਇਕੁ ਲੋਕ ਬਲਾਗ 'ਚ ਲਗਾਤਾਰ ਛਾਪ ਕੇ ਮੇਰਾ ਮਾਣ ਵਧਾ ਰਹੇ ਹੋ। ਇਹ ਤੁਹਾਡੀ ਲਗਾਤਾਰ ਸਖ਼ਤ ਮਿਹਨਤ ਤੇ ਇਮਾਨਦਾਰੀ ਦਾ ਸਿੱਟਾ ਹੈ ਕਿ ਤੁਸੀਂ ਇਸ ਹਾਇਕੁ ਵਿਧਾ ਦਾ ਮੂੰਹ -ਮੁਹਾਂਦਰਾ ਸੁਆਰਨ ਲਈ ਪੂਰੀ ਤਰਾਂ ਸਮਰਪਿਤ ਤੇ ਸੰਘਰਸ਼ੀਲ ਹੋ। ਸਾਹਿਤ ਸਾਧਨਾ ਕਰੜੀ ਮੁਸ਼ੱਕਤ ਤੇ ਸਚਾਈ ਦਾ ਨਾਂ ਹੈ। ਰੱਬ ਜੀ ਇਹ ਵੱਡਮੁੱਲੀ ਦਾਤ ਕਿਸੇ ਭਾਗਾਂਭਰੀਆਂ ਰੂਹਾਂ ਨੂੰ ਹੀ ਬਖਸ਼ਦਾ ਹੈ। ਪ੍ਰਮਾਤਮਾ ਤੁਹਾਨੂੰ ਲੰਬੀ ਉਮਰ ਤੇ ਚੰਗੀ ਸਿਹਤ ਬਖਸ਼ੇ।
ਤੁਹਾਡਾ ਆਪਣਾ
ਬੁੱਧ ਸਿੰਘ ਨਡਾਲੋਂ
ਜ਼ਿਲ੍ਹਾ ਹੁਸ਼ਿਆਰਪੁਰ (1.10.15)
*******************************************************************************
ਪਿਆਰੀ ਡਾ. ਹਰਦੀਪ ਜੀ,
ਆਪ ਦੀ ਹੱਲਾਸ਼ੇਰੀ ਨਾਲ ਮੈਂ ਹਾਇਕੁ -ਲੋਕ ਨਾਲ ਜੁੜਨ ਦਾ ਹੌਸਲਾ ਕੀਤਾ ਹੈ। ਪੰਜਾਬੀ ਦੀਆਂ ਸਾਰੀਆਂ ਰਚਨਾਵਾਂ ਮੈਂ ਬੜੇ ਸ਼ੌਕ ਨਾਲ਼ ਪੜ੍ਹਦੀ ਹਾਂ। ਪੰਜਾਬੀ ਲਿਖਣ ਦਾ ਵੀ ਸ਼ੌਕ ਰੱਖਦੀ ਹਾਂ ਤੇ ਲਿਖਣ ਦੀ ਪ੍ਰੇਰਣਾ ਮੈਨੂੰ ਹਾਇਕੁ ਲੋਕ ਪੜ੍ਹ ਕੇ ਮਿਲੀ ਹੈ। ਭਾਵੇਂ ਪੰਜਾਬੀ ਸਾਹਿਤ 'ਤੇ ਮੇਰੀ ਐਨੀ ਪਕੜ ਨਹੀਂ ਹੈ ਸਨੇਹ ਭਰੇ ਦਿਲ ਵਾਲੀ ਡਾ. ਹਰਦੀਪ ਸੰਧੂ ਦੇ ਸਹਿਯੋਗ ਸਦਕਾ ਪੰਜਾਬੀ ਲਿਖਣ ਦਾ ਹੌਸਲਾ ਕਰਦੀ ਹਾਂ।
ਹਰਦੀਪ ਜੀ ਆਪ ਨੇ ਹਾਇਕੁ ਲੋਕ ਨਾਲ ਜੋੜਕੇ ਮੇਰਾ ਮਾਨ ਬੜਾ ਦਿੱਤਾ । ਨਿਮਾਣੀ ਜੇਈ ਲੇਖਣੀ ਨੂੰ ਲਿਖਨ ਦੀ ਜਾਂਚ ਨਹੀ ਹੈ ਫਿਰ ਭੀ ਤੁਸਾਂ ਆਪਣਾ ਸਹਿਯੋਗ ਦੇ ਕੇ ਮੈਨੂੰ ਅੱਗੇ ਬੜਨ ਦੀ ਪ੍ਰੇਰਣਾ ਦਿਤੀ ਹੈ। ਤੁਸੀਂ ਹੋਸਲਾ ਅਫਜਾਈ ‘ਚ ਕਦੀ ਪਿਛੇ ਨਹੀ ਹਟਦੇ।
ਅੱਜ ਇਹ ਪੱਤਰ ਮੈਂ ਆਪਣੇ ਪੰਜਾਬੀ ਗੁਰੂ ਨੂੰ ਲਿਖ ਰਹੀ ਹਾਂ। ਗੁਰੂ ਪੂਰਨਿਮਾ 'ਤੇ ਗੁਰੂ ਨੂੰ ਸ਼ਤ -ਸ਼ਤ ਨਮਨ। ਮੇਰੇ 'ਤੇ ਆਪਣਾ ਆਸ਼ੀਰਵਾਦ ਬਣਾਏ ਰੱਖਣਾ। ਤੇਰੇ ਲੇਖਣ ਤੇ ਤੇਰੀ ਆਵਾਜ਼ 'ਚ ਹਾਇਬਨ ਸੁਣ ਕੇ ਤੇਰੇ ਵੱਡੇ ਦਿਲ ਨਾਲ ਵੀ ਜਾਣ -ਪਛਾਣ ਹੋਈ। ਜਦ ਕਿਸੇ ਨੂੰ ਕੋਈ ਗੱਲ ਪਸੰਦ ਨਹੀਂ ਆਉਂਦੀ ਤਾਂ ਉਹ ਕਿਸੇ ਨਾਲ ਲਿੰਕ ਰੱਖਣਾ ਵੀ ਪਸੰਦ ਨਹੀਂ ਕਰਦਾ। ਪਰ ਤੂੰ ਅਜਿਹਾ ਨਹੀਂ ਕਰਦੀ। ਤੇਰੇ ਕੋਲੋਂ ਮੈਨੂੰ ਬਹੁਤ ਕੁਝ ਸਿੱਖਨ ਨੂੰ ਮਿਲਿਆ ਹੈ। ਤੇਰੇ ਹਾਇਬਨ ਪੜ੍ਹ ਕੇ ਤਾਰੀਫ਼ 'ਚ ਬਹੁਤ ਕੁਝ ਲਿਖਿਆ ਜਾ ਸਕਦਾ ਹੈ। ਜਦੋਂ ਤੋਂ ਤੇਰਾ ਹਾਇਬਨ ਨੰਬਰ ਪ੍ਲੇਟ ਪੜ੍ਹਿਆ ਹੈ ਤੇਰੀ ਲੇਖਣ ਸ਼ੈਲੀ ਤੇ ਪੰਜਾਬੀ ਮੈਨੂੰ ਹੋਰ ਜ਼ਿਆਦਾ ਸਮਝ ਆਉਣ ਲੱਗੀ ਹੈ। ਹੁਣ ਮੈਂ ਪੁਰਾਣੇ ਹਾਇਬਨ ਪੜ੍ਹਨੇ ਸ਼ੁਰੂ ਕੀਤੇ ਨੇ ਤੇ ਅਨੰਦ ਲੈ ਰਹੀ ਹਾਂ।
ਆਪ ਮੈਨੂੰ ਜੋ ਉਂਗਲੀ ਫੜ੍ਹ ਸਾਥ -ਸਾਥ ਚਲਨੇ ਕੀ ਪ੍ਰੇਰਣਾ ਦੇ ਰਹੀ ਹੋ। ਮੇਰੇ ਲਈ ਅਨਮੋਲ ਭੇਂਟ ਹੈ ਤੇਰੀ। ਮੈਂ ਆਪਣੀ ਕੋਸ਼ਿਸ਼ ਕਰਦੀ ਰਹਾਂਗੀ। ਇੱਕ ਵਾਰ ਫਿਰ ਆਪ ਦਾ ਬਹੁਤ -ਬਹੁਤ ਧੰਨਵਾਦ।
ਕਮਲਾ ਘਟੌੜਾ
ਯੂ ਕੇ (18.2.16)
*******************************************************************************************
ਪਿਆਰੀ ਦੀਪੀ ,
ਤੇਰੀਆਂ ਲਿਖਤਾਂ ਪੜ੍ਹੀਆਂ। ਲਾਜਵਾਬ ਨੇ। ਤੇਰਾ ਲਿਖਣ ਢੰਗ , ਸ਼ਬਦਚੋਣ ਤੇ ਲਿਖਣ ਦਾ ਅੰਦਾਜ਼ ਨਵੇਕਲਾ ਹੈ। ਤੂੰ ਹਰ ਗੱਲ ਨੂੰ ਬੜੀ ਬਾਰੀਕੀ ਨਾਲ ਪੇਸ਼ ਕਰ ਸਕਦੀ ਹੈਂ। ਤੇਰੇ ਹਾਇਬਨ ਇੱਕ ਛੋਟੀ ਜਿਹੀ ਗੱਲ 'ਤੇ ਕੇਂਦ੍ਰਿਤ ਹੁੰਦੇ ਨੇ। ਪਰ ਓਸ ਦਾ ਜੋ ਵਿਸਥਾਰ ਤੂੰ ਉਲੀਕਦੀ ਹੈਂ ਉਹ ਹਰ ਕਿਸੇ ਦੇ ਵੱਸ ਦੀ ਗੱਲ ਨਹੀਂ। ਤੂੰ ਸਫਰਨਾਮਾ ਵੀ ਲਿਖ ਸਕਦੀ ਹੈਂ। ਜੇ ਤੂੰ ਕਦੇ ਸਫਰਨਾਮਾ ਲਿਖੇਂ ਤਾਂ ਇਹ ਬਹੁਤ ਮਕਬੂਲ ਹੋਵੇਗਾ। ਬਹੁਤ ਲੋਕ ਓਸ ਨੂੰ ਚਾਅ ਨਾਲ ਪੜ੍ਹਨਗੇ। ਤੇਰੇ ਲੇਖਣ ਬਾਰੇ ਬਹੁਤ ਕੁਝ ਕਿਹਾ ਤੇ ਲਿਖਿਆ ਜਾ ਸਕਦਾ ਹੈ। ਏਸ ਦੀ ਜਿੰਨੀ ਤਾਰੀਫ਼ ਕੀਤੀ ਜਾਏ ਘੱਟ ਹੈ। ਮੇਰੇ ਕੋਲ ਤਾਂ ਏਸ ਨੂੰ ਸਲਾਹੁਣ ਲਈ ਸ਼ਬਦ ਨਹੀਂ ਹਨ।
ਤੇਰਾ ਮਾਮਾ ਸ. ਭਰਪੂਰ ਸਿੰਘ
(ਸੱਵਦੀ ਕਲਾਂ )
8.2.16
******************************************************************************************
ਹੋਰ ਚਿੱਠੀਆਂ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ
ਨੋਟ: ਇਹ ਪੋਸਟ ਹੁਣ ਤੱਕ 67 ਵਾਰ ਪੜ੍ਹੀ ਗਈ
प्रिय हरदीप ,
ReplyDeleteसति सिरी अकाल ।
कितनी हैरानी की बात है न जब भी तुम्हारे हाइकुलोक को याद किया ।वो उपस्तिथ हो गया मैं याद ही कर रही थी कि इतने दिन हो गये कोई नई चीज हरदीप ने क्यों नहीं डाली हाइकु लोक में ।
और तभी तुम्हारा 'आप दे खत' नाम से सब पत्रों का एकत्रिकरण मिला पढ़ने को । सब के स्नेह भरे उद्गार पढ़कर और तेरे श्लाघायोग कार्य की प्रेरित करने वाली बातें पढ़ कर बहुत खुशी हुई ।इन्सान को , उसके कार्य करने के ज़जबे को उर्जा से भर देते हैं ऐसे प्रेरणा दायक शब्द ।तुम्हारे हिन्दी से पंजाबी में किये हाइकु अनुवाद पढ़ कर मुझे भी बहुत अच्छा लगा था ।डा सुधा गुप्ता और हिमांशु कम्बोज जी ने जो तारीफ की है । सही की है ।
मैं अभी पंजाबी में इतनी बात सही ढंग से नही लिख सकती सो हिंदी में लिख दी हैं ।
तुम्हारा यह सफर हम सब पाठकों और लेखकों को यूं ही साथ लेकर चलता रहे ।
नये नये मुकाम हासिल करे बस यही प्रार्थना है ईश से ।
तुम्हारी अपनी
कमला
My sister Hardip bahot dhanvad
ReplyDelete