ਸਾਉਣ ਮਹੀਨਾ ਲੰਘ ਚੱਲਿਆ ਹੈ। ਮਾਹੀ ਦੀ ਉਡੀਕ 'ਚ ਬੈਠੀ ਮੁਟਿਆਰ ਦੇ ਹਾਵ-ਭਾਵ ਕੁਝ ਇਸ ਤਰਾਂ ਪੇਸ਼ ਕੀਤੇ ਹਨ ਸਾਡੀ ਹਾਇਕੁ ਕਲਮ ਨੇ !
ਪੀਂਘ ਹੁਲਾਰਾ
ਉੱਡਾਂ ਅਸਮਾਨੀ ਵੇ
ਕੌਣ ਸੰਭਾਲ਼ੇ ।
2.
ਕੋਇਲ ਕੂਕੇ
ਬੱਦਲ ਗਰਜਣ
ਬੈਠੀ ਉਦਾਸ ।
3.
ਕਾਗ ਉਡਾਵਾਂ
ਸੋਹਣਿਆਂ ਸੱਜਣਾਂ
ਔਸੀਆਂ ਪਾਵਾਂ ।
ਨਿਰਮਲ ਸਤਪਾਲ
(ਲੁਧਿਆਣਾ)
ਬਹੁਤ ਹੀ ਸੋਹਣੇ ਬਿੰਬਾਂ ਨਾਲ਼ ਸਾਵਣ ਦੀ ਰੁੱਤ 'ਚ ਮਾਹੀ ਦੀ ਉਡੀਕ 'ਚ ਬੈਠੀ ਮੁਟਿਆਰ ਨੂੰ ਚਿੱਤਰਤ ਕੀਤਾ ਗਿਆ ਹੈ।
ReplyDeleteਨਿਰਮਲ ਜੀ ਤੁਸੀਂ ਵਧਾਈ ਦੇ ਪਾਤਰ ਹੋ। ਜਦੋਂ ਹਾਇਕੁ ਪਾਠਕ ਦੇ ਦਿਲ 'ਚ ਧੁਰ ਉਤਰ ਜਾਣ ਤੇ ਲਿਖਣ ਦਾ ਪ੍ਰੇਰਨਾ ਸਰੋਤ ਬਣਨ ਤਾਂ ਸਮਝੋ ਤੁਸੀਂ ਆਪਣੀ ਗੱਲ ਕਹਿਣ 'ਚ ਸੌ ਫੀਸਦੀ ਸਫ਼ਲ ਰਹੇ।
ਆਪ ਦੇ ਹਾਇਕੁ ਪੜ੍ਹ ਕੇ ਦਿਲਜੋਧ ਸਿੰਘ ਜੀ ਨੇ ਕੁਝ ਹਾਇਕੁ ਸਾਂਝੇ ਕੀਤੇ ਹਨ, ਜੋ 13 ਅਗਸਤ ਦੀ ਪੋਸਟ 'ਚ ਪ੍ਰਕਾਸ਼ਿਤ ਕੀਤੇ ਗਏ ਹਨ।
ਸ਼ੁੱਭਕਾਮਨਾਵਾਂ ਨਾਲ਼